Eingebildete Liebe
(von Peter Filzmoser; gelesen von Peter & Gabi)

Er:
Des Diandl dort, des tat ma gfoin, 
genau mei Typ, a G'sicht zum Moin.
Des G'stöll, des passt perfekt dazua,
grod recht füan Votan sein feschn Bua.

A g'wöhnlichs Diandl nimm i ned:
I hob vü Geld, bin a ned bled,
an groß'nń Grund, a mordstrumm Haus,
in Votan sein Bua, der zoiht si aus.

De Diandln reiß'n si olle um mi,
i bin hoit die perfekte Partie.
Doch so wen siagst ned jedn Tog,
hiaz geh' i umi zu Ihr und sog:

"Du g'follatst ma, di hätt i gern,
wonnst wüllst, donn kunntst mei Diandl wearn.
A g'wöhnlichs Diandl nimm i ned:
I hob vü Geld, bin a ned bled."

Sie:
I'm sorry, I don't understand.
I'm not from here, that's not my land.
I'm from New York, my name is Lina.

Er:
Mei, Englisch miassat ma hoit kina.